< >
طريقة عمل مكرونه بالتونه بالبشاميل → نجوم سورية
القائمة إغلاق

طريقة عمل مكرونه بالتونه بالبشاميل

 المقادير:
علبة تونة تصفيها 
كيس مكرونة 
بصلة مقطّعة قطع صغيرة
ملعقة كبيرة ليمون معصور 
نص كوب جبنة رومي مبشورة أو جبنه موزاليلا
فلفل رومي مقطّعة قطع صغيرة
2 ملعقة كبيرة زيت
جزرة مبشورة
ملح وفلفل
المقادير البشاميل: 
3 كوب لبن
نص كوب دقيق
مكعب مرقة دجاج
2 ملعقة كبيرة سمنة 
ملح وفلفل
الطريقة:

البشاميل؛ سيّحي السمنة على النار وضيفي عليها الدقيق وقلّبيه لمدة 5 دقائق أو لغاية ما تلاقي إن لونه بقى دهبي، وبعد كده ضيفي عليهم اللبن بالتدريج وتقلبيهم كويس كل شويه علشان الخليط ما يلزقش منك، لغاية ما تحصلي على خليط كريمي، وفي الآخر تبّليه بالملح والفلفل ومرقة الدجاج، وسيبي البشاميل على النار لمدة 5 دقائق تقلبيها ، وبعد كده ارفعيه من على النار وسيبيه علشان يبرد.
2- اسلقي المكرونة في ميه وملعقة ملح وملعقة زيت وفلفل اسود ، بعد كده حطّي المكرونة في مصفاة واغسليها بالميه كويس، وسيبيها علشان تصفّي أي ميه فيها.
3- شوّحي البصلة على النار وضيفي لها الفلفل الرومي والجزر والتونة والملح والفلفل وعصير الليمون، وسيبيهم على النار لمدة عشر دقائق، أو لغاية لما تلاقي إن التونة شربت أي ميه موجودة فيها.
4- هاتي صينية وادهنيها بملعقة بشاميل وبعدين تحطي المكرونة ثم طبقة من التونة ثم طبقة من البشاميل وبعد كده الجبنة الرومي المبشورة أو الموزاليلا ، وبعد كده دخّلي الصينية في فرن ساخن لمدة ساعة أو لغاية وشها ما يبقى دهبي، وبعد كده طلّعيها واستني ربع ساعة، وبعد كده قطّعيها

وبعدين التقديم احلى جروب بالف هنا

Visits: 51

هل اعجبتك المقالة شاركنا رأيك