غير مصنف مطبخ

تحضير كبة البطاطا

طريقة التحضير على الطريقة السورية ,, الطريقة الاولى
1. اسلقي حبات البطاطا لمدة نصف ساعة حتى تنضج تمامآ تصير تنهرس بسهولة ثم قشري البطاطا وهي ساخنة وضعيها في طبق عميق

2. أهرسي البطاطا إلى قطع صغيرة أضيفي عليها بيضة واحدة والقليل من الطحين وانتي عم تعجني خلي جنبك زبدية زيت اذا علقت العجينة بإيدك لتي ايدك بالزيت شوي وارجعي عجني واعجنيها جيدآ حتى تتشكل لدينا عجينة طرية متماسكة
3. طريقة اعداد الحشوة : 
نضع الزيت النباتي ثم البصل المفروم ناعمآ والثوم المهروس حتى يصبح لونه ذهبيآ ثم اللحمة وبهارات اللحمة السورية ( كزبرة يابسة _ بهار حلو _ فلفل أبيض وأسود _ زنجبيل ناعم قرفة ناعمة بمعدل نص وملح ) متل مو بقول دائمآ البهارات حسب ذوقكم ممكن تزيدو عليهم وممكن تنقصوهم بس الفلفل الاسود والبهار الحلو أساسي دائمآ 
4. أحضري العجينة وبلشي بالتكبيب ووضع الحشوة داخل الكبب 
حتى تعمليهم كلهم وبعدين وضعيهم في البراد لمدة نصف ساعة على الأقل لتتماسك.
5. في مقلاة عميقة ضعي مقدار من الزيت بحيث يكون بارتفاع 2 بوصة، سخّني على نار متوسطة، إقلي كبة البطاطا على دفعات إلى أن تصبح ذهبية اللون. ضعيها على ورق مطبخ نشّاف لتتخلص من الزيت الفائض.
6. قدّمي الكبة مباشرة وصحتيين .
هي الطريقة الأولى يلي بتشبه فيها طريقة الكبة العادية وهلق رح علمكم الطريقة التانية
الطريقة الثانية لتحضير كبة البطاطا ::

نفس المراحل الأولى من حيث سلق البطاطا وتحضير الحشوة 
لكن عند سلق البطاطا منهرسها قطع صغيرة مو هرس كامل ومامنحط البيضة معهم بعد هرس البطاطا متل الطريقة الاولى بعدين منضيف فوقها الحشوة مباشرة ومنخلطهم مع بعض منيح كتير ومنصير نشكل من البطاطا والحشوة كرات بحجم البيضة حتى تخلص الحشوة كلها بعدين منجيب 3 صحون صحن فيه طحين وصحن فيه بيض مخفوق وصحن تالت فيه فيه كعك ناعم
بالمعلقة منغطس الكرات بالطحين ثم بالبيض وبعدين بالكعك الناعم حتى يخلصو كلهم منحطهم بالبراد كمان شي نص ساعة أقل شي حتى يتماسكو منيح أثناء القلي وبعدها منقليهم كل 4 او 5 فقط مع بعض بمقلاة عميقة وزيت غزير وصحتين وهنا 

ممكن حشوها كمان بدل اللحمة جبنة الشيدر أو جبنة مسنرة متوسطة الملوحة 


وصحتين وعافية




اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *