” ابراج الخميس 6 أيار مايو 2021 “
القمر عم يستمر ببرج الحوت
الحمل
عم تكون الأمور شوي مكركبة عندك ولازم تضل منتبه لان المقربين عم يعملولك مشاكل او حتى شاغلين بالك وفي قصص مالية رح تفاجئك ولازم تكون حذر بحلها وخاصة اذا في مصروف كبير عائلي عندك ..
عاطفيا : مو مرتاح يبدو وعم تمرق بفترة من الاحساس بالخيبة والضغط عليك ولازم ماتعطي مشاعرك بسرعة ..
الثور
الأمور عندك تمام بعدها بهيك يوم وغالبا عم تشوف الناس كلها معك وحاول تعيش اجواء اجتماعية وتعرف على اصدقاء جدد ولاتبقى لحالك وفكر بطلب مساعدة من اي شخص لما تحتاج وتأكد رح يلبيك ..
عاطفيا : عندك اشخاص معجبة وعيون بتحبك فاستغل هي الحالة واشخاص كتير وفرص ارتباط .
الجوزاء
عم تدخل بقصص مفاجئة الك ولازم تكون رايق وماتنفعل خاصة بوجه الاشخاص المقربة منك واذا في موضوع مالي حلو برواق ويمكن في تشويه سمعة عند البعض ولازم تعرف تتعامل مع الامور بدبلماسية ..
عاطفيا : الضغط كبير عليك وماحدا عم يريحك وانتبه من علاقاتك لان في ضغط .
السرطان
عم تكون محور اهتمام كتار وعم تفتح ابواب جديدة وخاصة بعلاقاتك ويمكن في ورشة عمل او لمة بتخص موضوع دراسي وعندك نشاط بيدعمك وافكار سفر وطاقة عالية وفيك تغير بشكلك وتفكيرك ..
عاطفيا : استغل يومك صح وفكر كيف تلاقي الشخص المناسب يلي يكمل معك لان علاقاتك حلوة ..
الأسد
يوم بعد يوم عم تكون افضل بشكل نسبي لكن لازم تحسم قراراتك باي علاقة تاعبتك او موضوع شاغل بالك وخليك مساير قد مافيك وحل امورك المالية صح وانتبه من خسارة اشخاص ومال وروق ..
عاطفيا : حاول تهدي الوضع لأن عندك تحسن نسبي بالعاطفة رغم مشاكل الفترة الأخيرة ولازم تحسم امورك .
العذراء
فكر بهدوء وحاول تعزز شراكاتك وتعمل شي مشترك يساعدك بشغلك وفيك تتعامل مع اشخاص بالخارج وحاول ماتعمل مشاكل لان في شوية ضغط عليك وكمان تخلي امورك تمشي بسلام وتعامل صح ..
عاطفيا : لاتنفعل وانتبه من توتر العلاقة عندك هاليوم وحاول تتجنب المشاكل مع الشريك وللبعض ارتباط .
الميزان
عندك شغل كتير فوق راسك ويمكن قصص دراسية وبدي منك ترتب كل شي وتنهي الامور المهمة ولاتخليها تتراكم عليك وفي قصص صحية كمان بدها مراعاة ودير بالك بشغلك لان في تغيير او مشاكل ..
عاطفيا : خلي علاقاتك تمشي بهدوء والوضع العاطفي عندك ماعم يكون تمام وبدك ترتاح .
العقرب
في اشخاص عم تكون معك وفي مال ممكن يجيك او حتى حوالة من الخارج وتطورات بتدعمك وانتبه لقصص العيلة وحلها ويمكن شاغلك وضع شخص مقرب وفي امور لازم تتعامل معها صح وانبسط بيومك .
عاطفيا : اطمن لأن الوضع العاطفي عندك يعتبر جيد وخاصة انو في حب عم يرجع وممكن ارتباط .
القوس
عم تمرق بشوية ظروف صعبة وحاول تكون اقرب لعيلتك واهلك وكمان بتحس انو ماحدا عم يقدر تعبك وكل شي فوق راسك ويمكن تغيير مكان او سكن وفي شوية تعب وقصص صحية وخليك رايق مع المقربين .
عاطفيا : هاليوم متقلب وعندك كتير امور شاغلة بالك الشريك لازم يعرف يستوعب ظروفك صح .
الجدي
من الأيام الحلوة يلي بتقدر تستغلها وخاصة انك عم تحكي الكل وتكون قريب ومقنع وعندك شي بخص الاعلام وناجح بكل شي وغير هيك خليك حذر على الطرقات وفكر تهتم بعيلتك وتلتقي ناس غالية .
عاطفيا .. عم يكون من افضل الايام عندك وفي اتصالات حلوة وناس عم ترجع تحكيك .
الدلو
بدي منك تعرف تتصرف وخاصة انو عم تحس بكسل وانك بس بدك ترتاح او تنام وعم تاكل كتير ولازم تنتبه صحيا وتهتم اكتر بأهلك وشغلك وماتهمل وضعك وفي قصص مالية بين دفع وقبض وضب ايدك .
عاطفيا : حاول تروق وماتعطي اي قرار بشي عاطفي ولا تدخل علاقة اذا مو مدروسة .
الحوت
عم يكون يوم تاني فيه كل الطاقة والحظ ويلي العلاقات فيه على اعلى مستوى وكتير ناس عم تكون معك بالواقع وعبر السوشل ميديا وهالشي بخليك مقنع وناجح وقادر تتحرك وتسافر وتصل لمين مابدك ..
عاطفيا : يومك حلو وعندك اسلوب مميز بتقدر فيه انك تحصل على اعجاب كتير من الاشخاص فاستغل هالشي .
Views: 0