” نبات الأزولا “
هيي نبتة سرخسية طافية بتعيش ضمن احواض صنعية وما بتنمى بالانهار والمياه الجارية
نسبة البروتين فيها عالية(٢٥…٣٥÷)عحسب التحاليل والبحوث والنت
عدوها الاول البرد
بتحب الحرارة
بداية زراعتها باذار ويفضل تتغطى
فيك تغذيها بالاسمدة والزبل القديم
والافضل حسب التجارب الزبل القديم
الاحواض كل متر مربع بارتفاع بلوكة بينتج بالظروف المثالية ٣٠٠ ل٥٠٠ غرام يوميا
التغذية بمنقوع الزبل بمقدار كيليين للمتر المربع
مابتحتاج تراب مابتحتاج اسمدة
مشكلة الطحالب(بتعالجا بانك تزرع كمية مناسبة مشان الطحالب ماتنافسا….يعني كل مترين بدن كيلو اقل حد)
لون المي لازم يكون احمر من الزبل لسببين (السبب الاول مشان تقدر كمية الزبل اللازمة والتاني مشان تمنع انتثار الاشعة وتأذي الجذور)
لهيك البدو مايغطي لازم يحافظ علون المي غامق ويزرع كمية بتناسب الحوض
الفرق بين التظليل او عدمو…التظليل بخلي لونا اخضر
بلا تظليل بتصير اسرع وانتاجا اكبر بس بصير في لون بني جواتا
بالنسبة للديدان مابدها علاج لان مانها مؤذية بس اذا بدك تتجنبا ما تترك اكياس الزبل ضمن الحوض لفترة طويلة
بالنسبة للحصاد….مالازم تشيل منو ليتعبى الحوض عالاخير وبيختلف الوقت حسب الخبرة وطريقة الزراعه(وصلت لرقم ٤أيام كانت كافية بالصيف انها تعبي الحوض)….ولازم لما تحصد ماتترك فراغات كتيرة فيها مشان ما تطلع الطحالب ومشان يضل الانتاج قوي
…………….
هلا مشان العلف
وحسب تجربة شخصية
وتجارب ناس موثوقة
حققت افضل انتاج بالنسبة للبقر….استغناء عن العلف وصل ل٨٠ بالمية مع زيادة بالحليب
الدجاج البياض حافظ عالبيض نفسو مع زيادة النشاط وتحسن بالصحة وبلون البيض
اللحم في تحسن كبير ونسبة تحويل للمواشي
اما الفروج اسا التجارب قائمة
السمك بيتغذى عليها كمان والنحل في تجارب عليه
ممكن تستخدم كسماد لانها بتثبت النتروجين الجوي وبتحولو لسماد ازوتي
هوي مانو بديل العلف هوي بديل الصويا والبروتين…..لازم ينضفلو كربو هيدرات متل الذرة او الشعير او الخبز
والنسبة بتختلف من حيوان لتاني
النبتة من وجهة نظري مابدها تظليل غير اول الزراعة (بعد تجارب سنه)
بدها دفا ….كمية مناسبة من الازولا…….زبل
النبتة بدها تنشيف يوم لل٢ بال ظل بعد الغسيل
الماعز والغنم مابيتقبلها بلا خلط خبز او علف او درة وشعير
متوفرة حاليا بسعر ٤٠٠٠ للكيلو
Views: 231