قصة المثل
“جفيان شر ملا عليوي”
مثل يستخدم كثيرا ومن المعلوم ان لكل قصة مَثل أقصد لكل مَثل قصة حقيقية وقصة هذا المثل هي
في احدى القرى العراقية جان اكو جامع وكل الناس تصلي فيه ماعدا واحد جان مايصلي بالجامع فإمام الجامع اسمه مُلّه عليوي كان يضوج منه لان مايصلي بالجامع وكلما يضرب مثل على شخص سئ يكول لاتصيرون مثل فلان الي مايصلي بالجامع … فمرة راد ذاك الشخص يتزوج فكالوله لازم الامام يكتب عقد زواجك وهو يضوج منك لانك ماتصلي بالجامع فروح صلي حتى يكتب عقد زواجك … فذاك الشخص ماظل عنده غير حل فراح للجامع ليصلي صلاة الفجر فوكف داخل الجامع وقال :”نويت أن أُصلي صلاة الفجر جفيان شر مُلَّه عليوي”
فمن ذاك الوقت صار المثل شائع وهو “جفيان شر مُلَّه عليوي”.
Views: 146