في أكتر من طريقة بتختلف حسب البلد والمنطقة رح علمكم احد هي الطرق يلي انا بحبها انشالله تعجبكم
( محشي الكوسا والباذنجان والبطاطا والفليفلة واليقتين )
المقادير ::::
الخضار المراد حشيها ( الكوسا _الباذنجان _-بطاطا _فليفلة _اليقتين )
بندورة معصورة بالخلاط _ ملعقتين معجون طماطم ( اذا البندورة بموسمها مافي داعي لمعجون الطماطم بتعطي اللون والنكهة اللازمين بدون اضافات )
عصفر _ نعنع يابس _ سمنة _ ملح
للحشوة نحتاج ::
رز مصري حسب كمية المحاشي يلي انتي بدك تعمليها بتقدري
لحمة ناعمة
بهارات المحشي ( بهار حلو _ فلفل اسود _ فلفل أبيض _زنجبيل ناعم _ قرفة _ عصفر خشن مو ناعم ) ملح سمنة مذوبة على النار
طريقة التحضير :::
نحفر الخضار التي نريد حشيها ونغسلهم ومنجهزهم وبعدها منحضر الحشوة منجيب جاط غميق
منضيف الرز واللحمة والبهار ومنملحهم ومنضيف بعدها العصفر والسمنة يلي دوبناها على النار وهيك بتصير حشوتنا جااهزة منحشي الخضار ( كوسا _ باذنجان _ بطاطا _ يقتين _ فليفلة )
بحيث المحشاية يكون تلات رباعها حشوة فقط منحسب حساب ان الرز على الطبخ بينفش مشان ماتنفزر المحشاية ومنسدهم منيح
منصفهم بالطنجرة الباذنجان من تحت ثم الكوسا ثم اليقتين والبطاطا والفليفلة لان الباذنجان اكتر شي بياخد وقت حتى يستوي
بعدين منضيف البندورة المعصورة بالخلاط ومنزيدها ماء مع ملعقتين كبار معجون طماطم حتى ينغمرو المحشايات تمامآ منملحهم حسب الرغبة ومنضيف ملعقة كبيرة نعنع يابس و3 معالق كبار سمنة ومنكبس المحشي بتقالة الفخار مشان مايفورو ويستوو منيح منتركهم على نار قوية أول 10 دقائق بعدين منتركهم على نار هادئة مدة الاستواء حوالي الساعة وصحتين وهنا …….
للمزيد من الطبخ من
رأيكم يهمنا من أجل المزيد
Visits: 35